想念你的第67天

今日第一日返工......果然係精神不足......可能之前一晚太緊張了, 一直都訓得唔係咁好.....

坐左o個架特快680x, 唔駛一個鐘就去度IFC對面......仲有大把時間去美心嘆返個超豐富既早餐, 食完之後仲可以以加拿大人既速度行去公司。

明明係返工時間, 但係又冇乜人等elevator......R 頭~

我係第2個去到......仲有D人遲到.....(單手拍掌!!!)

成個早上都係聽, 聽, 聽.......難得等到可以去影 access card, 只係過左2個多小時~~~

不過由 access card 開始, 時間就過得快好多.....可能因為我地走黎走去啦.....

第一日既lunch, 係由Conference Manager Katy 簽卡~~~ (但應該係入公司數.....多謝晒~~)

Lunch 後成個下午都係對住我個head.....Jeanne the VP~ 佢講野真係算好生動......我好鍾意聽佢講野......而且真係好informative, 可惜佢多數都係main office, 好忙.....可能未必有好多機會跟佢學野...... >_<

First day......left @ 6:00pm!!! 準時!!!

想念你的第66天

雖然仲未正式工作, 但係好似一直都沒有停下來.....先係差唔多個個星期都會探婆婆, 看到佢咁辛苦, 真係會有一種「如果就咁走了也許更好」的感覺。

媽咪都係因為佢既情況, 有成一個星期都沒有回家食飯.....日日都去醫院陪住已經反應唔到既婆婆, 沒有十一、二點都唔返到屋企......想必佢都捱得很累了....

而呢一個星期仲多左一個探嫲嫲既節目: 因為佢坐骨神經痛而做一個小手術。對現在的我來說, 佢其實身體算好好, 最少比婆婆好多了......但係佢仲係覺得自己好似好大件事咁......我想佢都係想我地呢D後生多D去探佢吧~~~ 果然老人同小朋友係一樣的!

聽日就開始返工, 心情真係好緊張.....好驚自己做唔黎.....又好驚自己會不自覺做左D低能白痴野出黎......

而且最近好像都沒有好多機會同你講電話, 我想我正式返工以後會更困難吧~

想念你的第49天

原來已經有成一個月冇update過了........

想念溫哥華的一切......包括你呢......

久久沒有踏實的心終於可以稍為豁然開朗了......

因為心中明白只有4 個月的安樂......然後又會重回空虛不安的懷抱。

4 個月後都係11月尾, 原來還未到 Christmas.......沒有了不找工作, 陪伴你的藉口~

(心情緊張中.......)

想念你的第18天

返左黎2個星期, 終於的起心肝打電話俾Winnie & Jessica...

估唔到咁多年了...佢地始終都係咁叻...一估就知我係邊個...(有冇搞錯?! 話晒都4.5年沒聽過我的聲音吧!!)

其實心中都係開心的....就因為佢地心中仲有一個叫 Germaine 既人, 佢地先可以一口說出我的名字.....十分感激....

應該要努力一點......不可再那麼懶了...(真不愧係Jessica....一點就點出我既問題...哈哈~~~)

希望可以精神一點~~ 我要力量!!!

想念你的第14天

一早都預料到回港之後一定會生病......只是沒想到居然會休克.....那一剎那真的很恐怖.....眼睛看不見了.......只有白茫茫一片.......然後就失去了知覺......醒過來後, 全身都被冷汗濕透了.....又渾身乏力......

可幸的是當時不是我獨自一人在街上.....我隱約記得在失去知覺之前聽到 daddy 說:「唔駛驚」......有佢扶住我, 不致倒在街頭.......樣衰極了..... >___<

但現在想起來仍心有餘悸.....回到家躺下來時, 只想第一時間同你講電話, 聽聽你的聲音.....真的好希望當時你能在我的身邊......扶著我, 抱我回家, 安慰我呢...... >3<

今天已經好多了......至少能吃能走....哈哈!!! 真的阿彌陀佛呢~~~

看來, 我真的十分 Canadian 了, 腸胃都被縱壞了......少少唔o岩食, 唔乾淨就生病......唉~